ရခိုင်ပြည်နယ်အတွင်း အရေးပေါ်အခြေအနေကြေညာ
ဒီမုိုကရေစီဖော်ဆောင်ရေးအတွက် တည်ငြိမ်အေးချမ်းမှုနှင့် တရားဥပဒေ စိုးမိုးမှုရှိမှသာ ဖော်ဆောင်နိုင်မည် ဖြစ်သည်ဟု သမ္မတပြောကြား
ဇော်ဝင်းသန်း
အတွဲ ၂၉ ၊ အမှတ် ၅၇၃ (၁၅ - ၂၁ ၊ ၆ ၊ ၂၀၁၂)

အရေးပေါ်အခြေအနေကြေညာခဲ့ပြီးနောက် စစ်တွေမြို့တွင် တည်ငြိမ်းအေးချမ်းရေးအတွက် လုံခြုံရေးတာဝန်ထမ်း ဆောင်နေသည့် ရဲတပ်ဖွဲ့ဝင်များအား တွေ့ရစဉ်။
ဓာတ်ပုံ - အေအက်ဖ်ပီ
လတ်တလော ရခိုင်ပြည်နယ်အတွင်း ဆူပူအကြမ်းဖက်မှုများ ပိုမိုကျယ်ပြန့်လာသည့်အတွက် ရခိုင်ပြည်နယ်အတွင်း အုပ်ချုပ် ရေးဆိုင်ရာ လုပ်ငန်းများဆောင် ရွက်ရာတွင် ထိရောက်စွာ စွမ်းဆောင်နိုင်စွမ်းမရှိသောကြောင့် ဇွန်လ ၁၀ ရက်နေ့ မှစပြီး ရခိုင်ပြည်နယ်အား အရေးပေါ် အခြေအနေအဖြစ် နိုင်ငံတော်သမ္မတ ဦးသိန်းစိန်က ဇွန်လ ၁၀ ရက်နေ့က အမိန့်ထုတ်ပြန်ကြေညာ လိုက်သည်။
ကနဦးအနေဖြင့် ရခိုင်ပြည်နယ် အတွင်းရှိ မြို့နယ်အချို့တွင် တည်ငြိမ် အေးချမ်းမှုပျက်ပြားသည့် အခြေအနေများဖြစ်ပေါ်မှုကြောင့် ပြည်သူ များ၏ လုံခြုံရေးနှင့် တည်ငြိမ်အေးချမ်းစွာ နေထိုင်နိုင်ရေးအတွက် ဇွန်လ ၈ ရက်နေ့မှစ၍ ပြစ်မှုဆိုင်ရာကျင့်ထုံးဥပဒေပုဒ်မ ၁၄၄ ထုတ်ပြန်၍ ဆောင်ရွက်ခဲ့သည်။
သို့သော် ဆူပူအကြမ်းဖက်မှုများမှာ ပိုမိုများပြားကျယ်ပြန့်လာပြီး ပြစ်မှုဆိုင်ရာ ကျင့်ထုံးဥပဒေပုဒ်မ ၁၄၄ ထုတ်ပြန် ဆောင်ရွက်ခြင်းဖြင့် အုပ်ချုပ်ရေးဆိုင်ရာ လုပ်ငန်းများကို ထိရောက်စွာဆောင်ရွက် နိုင်စွမ်းမရှိသောကြောင့် ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေ ပုဒ်မ ၄၁၂ ၊ ပုဒ်မခွဲ (က) အရ အရေးပေါ်အခြေအနေ ကြေညာ လိုက်သည်။
ထို့ပြင် ဖွဲ့စည်းပုံ အခြေခံဥပဒေ ၄၁၃၊ ပုဒ်မခွဲ(က) အရ တာဝန်ထမ်း ဆောင်ရာတွင် ထိရောက်မှုရှိစေရန် တပ်မတော်၏ အကူအညီကို ရယူ ဆောင်ရွက်မည်ဟု သမ္မတ၏ထုတ်ပြန်ချက်တွင် ဖော်ပြထားသည်။
အဆိုပါ အမိန့်ထုတ်ပြန်ချက်သည် ထုတ်ပြန်သည့်နေမှ အမိန့်တစ်စုံတစ်ရာ ထပ်မံထုတ်ပြန်မှုမရှိမချင်း အတည်ဖြစ်မည်ဖြစ်ပြီး ဥပဒေကဲ့သို့ အာဏာတည် ရမည်ဖြစ်သည်။
ထိုသို့ အရေးပေါ်အခြေအနေ ကြေညာပြီး ထိန်းသိမ်းဆောင်ရွက်လျက် ရှိရာ အကြမ်းဖက်သူများ လူစုလူဝေးဖြင့် တည်ငြိမ်အေးချမ်းမှု ပျက်ပြားစေရန် ဆောင်ရွက်ခြင်း၊ လူနေအိမ်များ မီးရှို့ရန် ကြိုးပမ်းခြင်း၊ တစ်ဖက်နှင့်တစ်ဖက် ရန်စောင်ခြင်း စသည်တို့ကို ဥပဒေနှင့် အညီ ဆောင်ရွက်နေကြောင်း ကြေးမုံ သတင်းစာတွင် ဖော်ပြထားသည်။
သတင်းစာတွင် စစ်တွေမြို့ ဗျိုင်းဖြူရွာနှင့် သံထော်လီရွာတို့၌ ဇွန်လ ၁၁ ရက်နေ့ မွန်းလွဲပိုင်းတွင် နှစ်ဖက်လူစုလူဝေးအဖွဲ့ များ ခိုက်ရန်ဖြစ်ပွားမည့်အခြေအနေဖြစ် ပေါ်ခဲ့ကြောင်းနှင့် အလားတူ အုန်းတပင် ရပ်ကွက်မှ လူစုလူဝေးအဖွဲ့တစ်ဖွဲ့သည် ဗျိုင်းဖြူရွာသို့ သွားရောက်ခဲ့သဖြင့် လူစုခွဲ ခဲ့ရကြောင်း ဖော်ပြထားသည်။

ထို့ပြင် အဆိုပါနေ့ မွန်းလွဲပိုင်းတွင်မူ စစ်တွေမြို့ ဓည၀တီရပ်ကွက်၌ မီးကွင်း နှင့် အပစ်ခံရသဖြင့် နေအိမ်ခြောက်လုံး မီးလောင် ကျွမ်းခဲ့ကြောင်း၊ ညနေပိုင်း တွင် မူ မကျည်းမြိုင်ရပ်ကွက်ရှိ အဆောက် အအုံတစ်လုံးအား မီးရှို့ရန်ကြိုးပမ်းခြင်း၊ စက်ရုံစုရပ်ကွက်၌ မီးကွင်းပစ်ရန် ကြိုးပမ်းခြင်း၊ ဓည၀တီအကွက်(၇)တွင် မီးကွင်းပစ်ရန် ကြိုးပမ်းခြင်းများကိုလည်း အချိန်မီထိန်းသိမ်းလူစုခွဲခဲ့ရကြောင်း ဖော်ပြထားသည်။ အလားတူ ညနေပိုင်းတွင် ဓည၀တီ (က)နှင့် (ခ)ရပ်ကွက်တို့တွင် မီးလောင် ကျွမ်းမှုဖြစ်ပွားခဲ့ပြီး ညနေစောင်းတွင် နာဇီဈေး၌ အင်အား ၄၀၀ ခန့်က ဟစ် အော်ဆူပူမှုများ ကျူးလွန်နေသဖြင့် ထိန်း သိမ်းလူစုခွဲခဲ့ရကြောင်း သိရှိရသည်။

ထို့ပြင် မောင်တောမြို့ ရွာသစ်ကေ နှင့် မြို့မအရှေ့ရပ်ကွက်တို့၌ မသမာသူ များက မိမိတို့နေအိမ်များကို မိမိတို့ကိုယ်တိုင် မီးရှို့ခဲ့ကြ သဖြင့် နေအိမ်ခြောက်လုံး မီးလောင်ဆုံးရှုံးခဲ့ကြောင်း သိရှိရသည်။
အလားတူ ပေါက်တောမြို့ ရပ်ကွက် (၃)နှင့် (၄)တို့တွင် နှစ်ဖက်အဖွဲ့များ ရုန်းရင်းဆန်ခတ်ဖြစ်မှုကြောင့် နေအိမ် မီးလောင်ဆုံးရှုံး မှုများရှိခဲ့သည်။
အစိုးရ သတင်းစာပါ ဖော်ပြချက်အရ ရခိုင်ပြည်နယ်အတွင်း လတ်တလော ရုန်းရင်း ဆန်ခတ်ဖြစ်ပွားမှုများကြောင့် ဇွန် ၈ ရက်နေ့မှ ၁၁ ရက်နေ့အတွင်း လူနေအိမ် ၁,၆၆၂ လုံးမီးလောင်ဆုံးရှုံးခဲ့ ပြီး လူ ၂၁ ဦး သေဆုံးကာ ၂၁ ဦးဒဏ်ရာ ရရှိခဲ့ကြောင်းသိရှိရသည်။
ဆိုင်ကယ် ၁၈ စီး၊ ဆိုင်ခန်းခြောက်ခန်း၊ ထော်လာဂျီ သုံးစီး၊ စက်ဘီးကိုးစီး ပျက်စီးခဲ့ကြောင်း ဖော်ပြထားသည်။
လက်ရှိ ရခိုင်ပြည်နယ်အတွင်း ဖြစ် ပေါ်နေသော ဖြစ်စဉ်များမှာ ဘာသာ ရေးနှင့် လူမျိုးရေးကို အခြေခံပြီး မကျေ နပ်မှု၊ မုန်းတီးမှု၊ လက်စားချေလိုမှုများကို ရှေ့တန်းတင် လှုံ့ဆော်ဆောင်ရွက်မှုများ ကြောင့် မင်းမဲ့စရိုက်လုပ်ရပ်များ ကျယ်ပြန့်ကြီးမား လာခြင်း ဖြစ်ကြောင်း ပြည်ထောင်စုသမ္မတ ဦးသိန်စိန်က ဇွန်လ ၁၀ ရက်နေ့ ည ၈ နာရီတွင် မြန်မာ့အသံနှင့် ရုပ်မြင်သံကြားမှတစ်ဆင့် ပြည်သူ လူထုအား ပြောကြားခဲ့သည်။
"ဒီလိုလူမျိုးစွဲ၊ ဘာသာစွဲတွေကို ရှေ့တန်းတင်ပြီး မဆုံးနိုင်တဲ့ မုန်းတီးမှုတွေ၊ လက်စားချေလိုမှုတွေနဲ့ မင်းမဲ့စရိုက်တွေကို ရှေ့တန်း တင်ပြီး တစ်ဖက်နဲ့ တစ်ဖက် အပြန်အလှန် အကြမ်းဖက် သတ်ဖြတ်နေကြမယ်ဆိုရင် ရခိုင်ပြည် နယ်တွင်သာမက ပိုမိုကျယ်ပြန့်ဖြစ်ပွား လာစေနိုင်တဲ့ အန္တရာယ်ရှိပါတယ်။ အခြားသော အမှောင့်ပယောဂတွေလည်း ပါဝင်ပူးကပ်လာနိုင်ပါတယ်။ ဒီလို သာ ဖြစ်လာခဲ့ရင် အသွင်ကူးပြောင်းစ သာ ရှိသေးတဲ့ ကျွန်တော်တို့နိုင်ငံရဲ့ တည်ငြိမ်အေးချမ်းရေး၊ ဒီမိုကရေစီ ဖောင်ဆောင်ရေးနဲ့ နိုင်ငံဖွံ့ဖြိုးတိုးတက် ရေးအပေါ် ပြင်းပြင်းထန်ထန် ထိခိုက် ဆုံးရှုံးမှု ဖြစ်ပေါ်လာစေနိုင်တာကို အားလုံး သတိထားကြစေချင်ပါတယ်" ဟု သမ္မတက ပြောကြားသည်။
ထို့ပြင် အစိုးရအနေဖြင့် ဖြစ်ခဲ့ပြီး သည့်ကိစ္စရပ်များအပေါ်တွင် ဥပဒေနှင့် အညီ ဖြေရှင်းသွားမည်ဟု ၎င်းကဆက် ပြောသည်။ ထို့ပြင် ဘာသာရေးအဖွဲ့အစည်း များနှင့် ဘာသာရေး ခေါင်းဆောင်များ၊ နိုင်ငံရေးပါတီများ၊ လူထုလူတန်းစား အဖွဲ့အစည်းများ၊ မြို့မိမြို့ဖ၊ ရပ်မိရပ်ဖ၊ ပြည်သူများနှင့်လည်း ပူးပေါင်းဖြေရှင်း လျက်ရှိကြောင်း ၎င်းကပြောသည်။
"တည်ငြိမ်အေးချမ်းရေး၊ တရား ဥပဒေ စိုးမိုးရေးရှိဖို့ ဆိုတာဟာလည်း နိုင်ငံတော် အစိုးရအပေါ်မှာသာ တာဝန်ရှိတာ မဟုတ်ပါဘူး။ ပြည်သူများ အပိုင်းကလည်း အသိတရားနဲ့ ယှဉ်ပြီး ဥပဒေတွေကို လေးစားလိုက်နာ ကြဖို့ လိုအပ်ပါတယ်။ ထို့အတူ ဘာသာရေး အဖွဲ့အစည်းတွေ၊ ဘာသာရေး ခေါင်းဆောင်တွေ၊ နိုင်ငံရေးပါတီများနဲ့ နိုင်ငံရေးသမားတွေ၊ လူထုလူတန်းစား အဖွဲ့အစည်းတွေနဲ့ မီဒီယာတွေအားလုံး ရဲ့ အသိတရားနဲ့ယှဉ်ပြီး သတိတရားနဲ့ ပူးပေါင်းပြီး ဆောင်ရွက်ကြဖို့လည်း အထူးလိုအပ်ပါတယ်"ဟု သမ္မတ ဦးသိန်းစိန်က ပြောကြားခဲ့သည်။

-ပြည်တွင်းငြိ်မ်းချမ်းရေး ၊ အမျိုးသားပြန်လည်သင့်မြတ်ရေး နှင့် လူထုကိုချစ်သော ဒေါ်အောင်ဆန်းစုကြည်အား လူထုကချစ်သည်မှာ သဘာဝကျပါသည် -
-
ပြည်တွင်းငြိ်မ်းချမ်းရေး နှင့် အမျိုးသားပြန်လည်သင့်မြတ်ရေး
(၀၃ ဇွန် ၂၀၁၂)

ယနေ့ ကမ္ဘာသည် ခေတ်မီနည်းပညာ အသစ်များဖြင့် အရှိန်အဟုန်ပြင်းစွာ ပြောင်းလဲ တိုးတက်နေပေရာ နိုင်ငံရေး စီးပွားရေး ပြုပြင်ပြောင်းလဲမှုများကို ခေါင်းအေးအေးထားပြီး သုံးသပ်ကာ မှန်ကန်ယုံမက တိကျမြန်ဆန်ရန် အရေးကြီးပေသည် ။ လာဘ်စားလိုသော မော်တော်ပီကယ်တစ်ယောက် လို လမ်းလယ်ခေါင်ရပ်ပြီး ကားများကို လမ်းပြသကဲ့သို့ ဟိုတစ်စီး ကရပ်ပြီး နောက်တစ်စီးကို သွားခိုင်း၍ မဖြစ်နိုင်ပါ ။ ဆိုလိုသည်မှာ နိုင်ငံရေးက မီးနီ မိနေပြီး စီးပွားရေးကို မီးစိမ်းပြ၍ ဘယ်လိုမှ မဖြစ်နိုင်ပါ ။ အပြိုင်အဆိုင်များ များပြားသော ခေတ်ရေစီးကြောင်းတွင် အရာအားလုံးသည် အချိန်နှင့် တပြေးညီ တချိန်တည်း တပြိုင်ထဲ ဖြစ်နေပေသည် ။ ထို့ကြောင့်လည်း ကမ္ဘာပေါ်တွင် အစိုးရ အဖွဲ့များသည် တိုင်းပြည်နှင့် လူထုအကျိုးစီးပွားကို ဆောင်ရွက်ရန် တာဝန်ယူကြရပြီး သို့မဟုတ်ပါက ကျောက်ခေတ်ကာလကဲ့သို့ ကိုယ့်အုပ်စုနှင့်ကိုယ်အမဲလိုက်ပြီး မီးမလာ ရေမလာ ဂရုမစိုက်ပဲ အင်တာနက်နှင့် face book မရှိသော ကျောက်ဂူထဲတွင် အိပ်နေယုံသာရှိပေသည် ။

ပြည်တွင်းစစ် ဖြစ်နေယုံမက ဗလောင်းဗလဲမြန်သော မတရားဥပဒေ များကို လိုရင်လိုသလို အသက်သွင်းပြီး အကျင့်ပျက် ဖောက်ပြန် ခြစားမှုများ ပြည့်နှက်နေသော မြန်မာပြည်တွင် စီးပွားရေး ရင်းနှီးမြှုပ်နှံမှုများအတွက် နိုင်ငံတကာသည် လက်တုန့်နှေးကွေးနေပေသည် ။ ဦးသိန်းစိန် အစိုးရအနေဖြင့် ကမ္ဘာက လေးစားတန်ဘိုးထားရသော ဒီမိုကရေစီ လူထုခေါင်းဆောင် ဒေါ်အောင်ဆန်းစုကြည်ကို ပွဲလယ်ထုတ်ပြီး စီးပွားရေးပိတ်ဆို့မှုများ ရပ်တန့်ရန် လုပ်ဆောင်နေမှုသည် တစ်ချိန်ချိန်တွင် အောင်မြင်နိုင်ပေမဲ့ ခိုင်မာသော မတရား ဥပဒေသများရှိစဲ လွှတ်တော်ထဲတွင် အကျင့်ပျက်ခြစားမှုကိုတော့ ကိုယ်ကိုတိုင် ပြင်ဆင်မှ ရပေလိမ့်မည် ။


ခေတ်မီ လက်နက်များဖြင့် ဖြေရှင်းမရသော ခေတ်နောက်ကျနေသော စစ်အတွေးအခေါ်များ
ဒုတိယ ကမ္ဘာစစ်ကို အဆုံးသတ်စေသော အဓိက အကြောင်းအရင်းမှာ အမေရိကန်သည် ဂျပန်ကို အနုမြူဗုံးကြဲပြီး လက်နက်ချ အညံ့ခံခိုင်းစေခြင်းဖြင့် တဖက်သတ် ငြိမ်းချမ်းရေးကို ဖန်တီးခဲ့လေသလား ၊ ပါလက်စ္စတိုင်းနှင့် အစ္စရေး ရေရှည် ပဋိပက္ခ္ခ္ခ္ခ္ခတွင်လည်း စူဆိုက်ဗုံးသမားများသည် တိုင်းပြည်ချစ်စိတ်ကို နာကျည်းစိတ်ဖြင့် လက်စားချေတုန့်ပြန်ခဲ့မှုသည် အမှန်တရားလား ။ အာဏာရှင် အစိုးရများ၏ အာရပ်နွေ ဦး လူထု လှုပ်ရှားမှုများကို လျစ်လျှူရှုပြီး တဖက်သတ် ဖီနှိပ်မှုများကြောင့် ဆီးရီးယား ၊ ယီမင်တိုင်းပြည်သည် ယခုအခါ သွေးချောင်းစီးသော စစ်မြေပြင် အသွင်ဆောင်ကာ အပြစ်မဲ့ပြည်သူများ သေကြေနေရပေသည် ။ ကျနော်တို့သည် ပြည်တွင်းငြိ်မ်းချမ်းရေး ၊နှငိ့အမျိုးသားပြန်လည်သင့်မြတ်ရေး ကိုရွေးချယ်မည်လား ဒါမှမဟုတ် ရေရှည် ပြည်တွင်းစစ်ကို မွေးမြူပြီး နောက်ကြောင်းပြန်လှည့်ကြမည် လား။ မေးခွန်းတိုင်းတွင် အဖြေရှိစမြဲမို့ ဒီမိုကရေစီ နိုင်ငံသစ်ကို မဖြစ်မနေ သွားချင်သော အစိုးရ ၊ အတိုက်အခံ ၊ ပြည်သူပြည်သားများတွင် ဖြေဆိုရပည့် တာဝန် ၀တ္တရားရှိပေသည် ။

တိုင်းပြည်ကို ဦးဆောင်သူများ၏မှန်ကန်သော လမ်းကြောင်းရွေးချယ်မှုသည် ၄င်းတိုင်းပြည်၏ အနာဂတ်ကို လုံးဝကောင်းကျိုး ဆိုးကျိုးများအား ဖြစ်ပေါ်စေပါသည် ။သေချာသည်မှာ ယနေ့ကမ္ဘာသည် ပြဿနာကို ခေတ်မီ လက်နက်များဖြင့် ဖြေရှင်းမရသလို ခေတ်နောက်ကျနေသောစစ်အတွေးအခေါ်များကိုလည်း လူထုက ကြိုက်နှစ်သက်မှု မရှိကြောင်း ယနေ့ အမေရိကန် အီရတ်နှင့် အာဖကန်နစ္စတန် နိုင်ငံတို့က သက်သေပြနေပေသည် ။ သမ္မတ အိုဘားမားက မကြာသေးမီ ကပြောကြားခဲ့သော မိန့်ခွန်းတွင် ဗီယက်နမ်စစ်ပွဲလို မဟာဗျူဟာ အတိအကျမရှိသော စစ်ပွဲများကို အနာဂတ်တွင် လုပ်ဆောင်လိမ့်မည် မဟုတ်ကြောင်း ပြောကြားသွားခဲ့သည် ။

လမ်းလျှောက်တတ်ကာစ ကလေးတစ်ယောက်လို အမိမြန်မာပြည်၏ငြိမ်းချမ်းရေး
KNU အပါအ၀င် တိုင်းရင်းသားလက်နက်ကိုင် တော်လှန်ရေးအဖွဲ့အစည်းများမှ အပစ်အခတ်ရပ်စဲပြီး စစ်မှန်သော ပြည်တွင်းငြိမ်းချမ်းရေးကို လိုလားကြောင်း လက်ရှိဦးသိန်းစိန်အစိုးရကို ပြောဆိုဆွေးနွေးမှုများ လုပ်ဆောင်ခဲ့ပေသည် ။ကချင်ဒေသတွင်လည်း တနှစ်နီးပါး စစ်မြေပြင်အသွင်ဆောင်ကာ တိုက်ခိုက်မှုများကို ရပ်တန့်ကာ ငြိမ်းချမ်းရေး အပစ်အခတ်ရပ်စဲရေးများ လုပ်ဆောင်သင့်ပေသည် ။

အတိုက်အခံပါတီ NLD သည်လည်း မတရားသော အမိန့်အာဏာဟူသမျှ ဖီဆန်ကြဟု ကြွေးကြော်ရာမှ လွှတ်တော်တွင်းမှ နေပြီး လူထုကို အကျိုးမပြုသည့် မတရားသော ဥပဒေများကိုပြင်ဆင်ရန် ရွေးချယ်ခဲ့မှုသည်လည်း တိုင်းပြည်၏သနေ့အပြောင်းအလဲကို တနည်းတဖုံ အပြုသဘောဆန်စွာ ချဉ်းကပ်သော နည်းဗျူဟာအသစ်တစ်ရပ်ဖြစ်သည်ဟု သုံးသပ်လျှင် မှားနိုင်ချေ နည်းပေမည် ။
လမ်းလျှောက်တတ်ကာစ ကလေးတစ်ယောက်လို အမိမြန်မာပြည်၏ငြိမ်းချမ်းရေးသည် မယိုင်မလဲရန် တိုင်းချစ်ပြည်ချစ်စိတ် ရှိသူတိုင်းမှ အားလုံးဝိုင်းဝန်း လုပ်ဆောင်ရန် သမိုင်းပေးတာဝန်ရှိပါသည် ။

အများအားဖြင့် ယနေ့ကမ္ဘာသည် ပြဿနာ တရပ် ကို သီအိုရီ စာအုပ်များမှ တစ်ဆင့်ချဉ်းကပ်ပြီး လက်တွေ့ကျစွာ အဖြေရှာမှုများနည်းခဲ့ပေသည် ။ ထိုအခါပြဿနာကို လက်တွေ့ရင်ဆိုင်နေရသော တိုင်းပြည်သည် အနာနှင့်ဆေး မတွေ့ပဲ ခုတ်ရာတလွဲ ရှရာတခြားဖြစ်ကာ ရေရှည် အတွင်းကြေဖြစ်ရပေသည် ။ယနေ့ ဆီးရီးယာ.တိုင်းပြည်မှာ ရင်ဆိုင်နေရသလို အာဏာရှင်အစိုးရ၏သတ်ဖြတ်မှုကြောင့် အပြစ်မဲ့ ပြည်သူ တစ်သောင်းကျော် သေကြေပျက်ဆီးနေလင့်ကစား United Nations တွင် ရုရှား၏ ဗီတိုအာဏာကြောင့် အာဏာရှင် အစိုးရကို အရေးမယူနိုင်ဖြစ်နေပေသည် ။ ရုရှားသည် ဆီးရီးယားကို လက်နက်ရောင်းနေသော နိုင်ငံလည်း ဖြစ်ပေရာ စစ်မြေပြင်မှ အကျိုးအမြတ်ကို ကောင်းကောင်း အသုံးချနေပေသည် ။ မြန်မာနိုင်ငံသည်ပင် အတိတ်စစ်အစိုးရ၏ လူ့အခွင့်အရေး ချိုးဖောက်မှုကို အရေးယူဆောင်ရွက်ရန်တွင်လည်း United Nations တွင် တရုတ်အစိုးရမှ အကြိမ်ကြိမ် ဗီတိုအာဏာသုံးပြီး ပယ်ချနေပေရာ တရုတ် အစိုးရ အနေဖြင့် မြန်မာအစိုးရထံမှ အကျိုးအမြတ်များရနေသည်မှာ ထင်ရှားကြောင်း သုံးသပ်နိုင်ပေသည် ။

ကျနော်တို့မြန်မာပြည်သည် လွတ်လပ်ရေးအတွက်တိုက်ပွဲဝင်ခဲ့သော ကာလမှသည်
လွတ်လပ်ရေးရပြီးနောက်ပိုင်းတွင်လည်း ရေရှည်ပြည်တွင်းစစ် သံသရာမှ ရုန်းမထွက်နိုင်ခဲ့ပေ။ စစ်အစိုးရကို ရုရှား ၊ အိန္ဒိယ ၊ တရုတ်နိုင်ငံတို့မှ လက်နက်များ ရောင်းချမှုများ ရှိခဲ့သလို လူမျိုးစုလက်နက်ကိုင် အုပ်စု တော်လှန်ရေးအင်အားစုများကိုလည်း နိုင်ငံတကာမှ လက်နက်များရောင်းချနေပေသည် ။ လက်နက်ပွဲစားများက ၄င်းတို့ အကျိုးအမြတ်အတွက် စစ်မြေပြင်များဖန်တီးနေပြီး စစ်ပွဲများကိုဘော်လုံးပွဲကြည့်သလို အားပေးခဲ့ပေသည် ။ အတိတ်ကာလမှ စစ်အစိုးရခေါင်းဆောင်များအပါအ၀င် တိုင်းရင်းသားခေါင်းဆောင်များသည် တိုင်းပြည်၏ ပြဿနာကို စားပွဲဝိုင်းမှာ အဖြေမရှာပဲ စစ်ရေးနည်းဖြင့်ဖြေရှင်းခဲ့ပေရာ တိုင်းပြည်သည်ဆိုးကျိုးများနှင့် နဖူးတွေ့ ဒူးတွေ့ ရင်ဆိုင်ခဲ့ရပေသည် ။

ယနေ့ပြောင်းလဲခြင်း၏ လမ်းဆုံ လမ်းခွတွင် လမ်းကြောင်း ရွေးချယ်မှုသည် အဓိက အရေး ကြီးပါသည် ။ လူထုခေါင်းဆောင် ဒေါ်အောင်ဆန်းစုကြည် သုံးသပ် ဆွေးနွေးသလို ကိုယ်ဘာလုပ်ချင်သလဲဆိုတာ ကိုယ်တိုင်သိကာ ကိုယ့်အနာဂတ်ကို ကိုယ်ကိုတိုင်ရွေးချက်ရပေမည် ။

စစ်သည် အပြစ်မဲ့ပြည်သူ့အသက်ပေါင်းများစွာကို ချွေယူလို့အားမရပဲ နှစ်ဖက် စလုံးမှ ရဲဘော်ရဲဖက်များသည် ခွေးသေ၀က်သေ စစ်မြေပြင်တွင် ကျဆုံးနေရပေသည် ။ရန်ငြိုး ရန်စကို ပိုမို ပြင်းထန်စေပြီး ရေရှည် ကြာလာသည့်အခါ ငြိမ်းချမ်းရေးကို ကျောခိုင်းချင်သော အတွေးအခေါ်များ ကပ်ငြိတတ်ပေသည် ။စစ်မြေပြင် တိုက်ပွဲအတွင်း သို့မဟုတ် ငြိမ်းချမ်းစွာ ဆန္ဒပြသော မြို့ပေါ်ဆန္ဒပြမှုအတွင်း ကျဆုံးခဲ့ရသော ညီအစ်အကို မောင်နှမ ၊ မိဘဆွေမျိုး သူငယ်ချင်းရဲဘော်ရဲဖက်အတွက် လက်စားချေလိုစိတ် များဖြစ်ပေါ်နေမည်မှာ မလွဲမသွေပါ ။

ကျနော်တို့တွင် တခါတရံ ပိတ်ဆို့နေသော လမ်းကြောင်းကို အသစ်ဖောက် ချဉ်းကပ်ဖို့ အတွေးအခေါ်သစ်ကို တည်ဆောက်ရန် မေ့လျော့တတ်ကြသည် ။ ဆိုလိုသည်မှာ ကျှဆုံးခဲ့သော အာဇာနည်များလိုလားတောင့်တချက်ကို သွေးထွက် သံယိုမှုအနည်းဆုံးဖြင့် လုပ်ကိုင်လျှင် မတောင်းပေဘူးလားဟု တွေးခေါ်မှုအစား ဒုတ်ဒုတ်ချင်း ဓားဓားချင်း စိန်ခေါ်မှုကိုပင် သာယာခဲ့ပေသည် ။

ပြုပြင်ပြောင်းလဲရေးကို လုပ်ဆောင်မည်ဆိုလျှင် ခေတ်နောက်ကျနေသော အတွေးအခေါ်များနှင့်အတူ အတ္တအကျိုးကို လိုလားသော စိတ်ဓာတ် ၊ အဖွဲ့အစည်း တစ်ခု ၊ လူတစ်စု အကျိုးစီးပွားကို ကာကွယ်သော စိတ်ဓာတ်ကို ၂၀ ရာစု တွင် မြှုပ်နှံ သင်္ဂြိုလ်လ်ထားခဲ့ရပေမည် ။ ၂၁ ရာစု ကမ္ဘာ့ရွာသည်ဆိုးကျိုးများ ပြည့်နှက်နေသော စစ်ပွဲများနေရာတွင် တိုင်းပြည်နှင့်လူမျိုးအကျိုး စီးပွားဖြစ်စေသော စီးပွားရေး ဖွံ့ဖြို
းတိုးတက်မှုကို အင်တိုက်အားတိုက် လုပ်ဆောင်နေပေသည် ။

လူထုကိုချစ်သော ဒေါ်အောင်ဆန်းစုကြည်အား လူထုကချစ်သည်မှာ သဘာဝကျပါသည်

ဆင်းရဲတွင်း ချောက်နက်ထဲကို တိုင်းပြည်နှင့်လူထု တစ်ရပ်လုံးကျနေခဲ့သည်မှာ ဆယ်စုနှစ်များစွာကြာခဲ့ပေပြီ ။သံသယ ၊ အညှိုးအတေးများဖြင့် ပြည့်နှက်နေခဲ့သော အတိတ်ရက်များသည် အင်အားကြီးသူက အင်အားနဲသူကို နည်းမျိုးစုံဖြင့် ဖြိုခွဲကာ မတရားဥပဒေသများဖြင့် ဖမ်းဆီး ထောင်ချမှုများ ပြည့်နှက်နေခဲ့သည် ။ တခြားတစ်ဖက်တွင်လည်း ဖိနှိပ်မှုကို လူထုအားနှင့် ဆန့်ကျင်မှုများပြုလုပ်ရာ စစ်အုပ်စုမှ ရက်ရက်စက်စက် ဖမ်းဆီး သတ်ဖြတ်မှုများ ရှိခဲ့ပေသည် ။

တိုင်းပြည်နဲ့လူမျိုးကောင်းစားမယ်ဆိုရင် သင်ပုန်းချေရေးအတွက် ကျနော်တို့ စိတ်ဓာတ်တွေ အဆင်သင့်ဖြစ်ပြီလားဟု မိမိကိုယ်ကို မိမိအရင်ဆုံး မေးခွန်းထုတ်ရပေမည် ။မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်သည် ဒီပဲယင်းကိစ္စကို သင်ပုန်းချေရေးမူဖြင့် ခွင့်လွှတ်ပြီး တခြားတဖက်တွင် ဒီမိုကရေစီ တိုက်ပွဲတွင် ကျဆုံးခဲ့သောအာဇာနည် သူရဲကောင်းတို့ လိုလားသော မြန်မာပြည်ကို လွတ်လပ်သော တရားမျှတသော ငြိမ်းချမ်းသော ဒီမိုကရေစီနိုင်ငံဖြစ်မြောက်ရန် နေ့မအား ညမအားလုပ်ဆောင်နေပေသည် ။

အတိတ်စစ်အစိုးရမှ လုပ်ဆောင်ခဲ့သော မှားယွင်းသည့် ခြေလှမ်းများကို ယခုလက်ရှိ အစိုးရမှ လမ်းကြောင်းမှန်ကို စတင်လှမ်းကာမှ အမျိုးသားပြန်လည်သင့်မြတ်ရေးအတွက်ယုံကြည်မှု တည်ဆောက်နိုင်ပေမည် ။အစိုးရ အဆက်ဆက်သည် တိုင်းရင်းသား နယ်မြေဒေသများတွင် တိုးတက်ဖွံ့ဖြိုးရေးလုပ်ငန်းများကို ဖန်တီးကာ အလုပ်အကိုင်အသစ်များ လုပ်ဆောင်ရမည့်အစား မတရားလုပ်အားပေးခိုင်းစေခြင်း ၊ အဓမ္မ ပေါ်တာ အဖြစ် ခိုင်းစေခြင်း ၊ ဖမ်းဆီး သတ်ဖြတ်မှုများဖြင့် မထင်ရင် မထင်သလို ရွာလုံးကျွတ် မီးရှို့မှုများအပါအ၀င် လူ့အခွင့်အရေး ချိုးဖောက်မှုများကို လက်ရဲဇက်ရဲ လုပ်ဆောင်ခဲ့ပေသည် ။နှစ်တွေရှည်ကြာလာသည်နှင့်အမျှ ရေရှည်ပြည်တွင်းစစ်တွင် အပြစ်မဲ့ တိုင်းရင်းသား ပြည်သူလူထု ထောင် သောင်းမကအိုးမဲ့ အိမ်မဲ့ ဒုက္ခသည် ဖြစ်ယုံမက ပြည်တွင်းစစ်ဒဏ်ကြောင့် ထောင်းသောင်းမက သေကြေ ပျက်စီးနေရပေသည် ။

ထိုင်းနိုင်ငံ ဘန်ကောက်တွင် ကျင်းပပြုလုပ်သော ကမ္ဘာ့စီးပွားရေး ဖိုအင် ၌ ဒေါ်အောင်ဆန်းစုကြည်၏ မိန့်ခွန်းကို နားထောင်ကြည့်ရာ တိုင်းပြည်နှင့် လူမျိုးအပေါ်မှာ ထားရှိတဲ့ ရင်ထဲက စေတနာတွေကို မိန့်ခွန်းမှာ အထင်သားတွေ့ရသည် ။ .လူထုအတွက် အလုပ်အကိုင်တွေ ဖန်တီးပေးရေးအပြင် တိုင်းရင်းသားများနှင့် အပြန်အလှန် ယုံကြည်မှုတည်ဆောက်ပြီး ပြည်တွင်းငြိမ်းချမ်းရေး နှငိ့အမျိုးသားပြန်လည် သင့်မြတ်ရေးကို မဖြစ်မနေတည်ဆောက်ရန် ပြင်းထန်သော ဆန္ဒ ရှိနေပေသည် ။
လာမည့်၂၀၁၄အာဆီယံ ဥက္ကဌကို ဘယ်လိုမြင်ချင် ပါသလဲလို့ အားလုံးရဲ့အမြင်ကို အကြံပေးပြောကြား သည့်စကားသည်ပင် အမှန်တစ်ကယ် ပညာသားပါပြီး ထိရောက်သော စကားလုံးတွေမို့ ဒေါ်စုကို ပြည်စူလူထုမှ ချစ်ခင် လေးစားရပါသည်။ ကျနော်အမြင်ကို ပွင့်ပွင့်လင်းလင်း တင်ပြရလျှင် အာဆီယံသည် မားဖီးယားဂိုဏ်းလို လူမိုက်ကို ခေါင်းဆောင် တင်မည်တော့မဟုတ်ပါ ။ဒေါ်အောင်ဆန်းစုကြည် ပြောဆို သုံးသပ်သလို .နိုင်ငံရေးလုပ်သည့် သူတွေကို ကာကွယ်မဲ့ ဥပဒေတွေ မြန်မာပြည်မှာ အမှန်တကယ်လိုအပ်နေပါသည် ။ အကျင့်ပျက်ခြစားမှုတွေကို ပိုတိုးစေမဲ့ ရင်းနှီးမြှုပ်နှံမှုတွေကို မလုပ်မိဖို့ လိုအပ်ပါသည် ။ ဘန်ကောက်နဲ့ မြန်မာပြည် လျှပ်စစ်မီးရောင်ချင်း သိပ်ကွာနေတော့ စွမ်းအင် ပေါ်လစီကို အမြန်ဆုံး လုပ်ရမယ်ဆိုတာ သိပ်မှန်သည့် စကားဖြစ်ပါသည် ။

တိုင်းပြည် ရေရှည် ပြည်တွင်းစစ် ၏ သားကောင် ဒုက္ခသည်များကို ဒေါ်အောင်ဆန်းစုကြည်မှ မေ့မထားပါဟု ထိုင်းမြန်မာနယ်စပ် မယ်လစခန်းတွင် ပြောကြားခဲ့မှုက နိုင်ငံရေး ၊ စီးပွားရေး ၊ လူမှုရေး ဒုက္ခပေါင်းစုံကို ရင်စည်းခံနေရသော ဒုက္ခသည် တိုင်းရင်းသားပြည်သူပြည်သားမျှားအတွက် တန်ဖိုးမဖြတ်နိုင်သော အားဆေးတစ်ခွက် မလွဲမသွေဖြစ်ပေသည် ။တိုင်းသူပြည်သားတွေကို ရင်ဝယ်သားကဲ့သို့ ချစ်ခင်လေးစားတန်ဘိုးထားသောအပြောနှင့် လုပ်ရပ်ကား အမေတစ်ယောက်လို မေတ္တာတရားကြီးမားမှုကို ပြသနေပေသည် ။လူထုကိုချစ်သော ဒေါ်အောင်ဆန်းစုကြည်အား လူထုကချစ်သည်မှာ သဘာဝကျသလို လူထုအသံကို လူထုအကျိုးအတွက် ထွှတ်တော်ထဲတွင် ပြောကြားမည့် ဒေါ်အောင်ဆန်းစုကြည်၏ မိန့်ခွန်းများသည် အိပ်ငိုက်နေသော လွှတ်တော်အမတ်များကိုလည်း လှုပ်နှိုးနိုင်လိမ့်မည် ဟု အပြည့်အ၀ ယုံကြည်နေမိပါသည် ။

**အောင်ခိုင်မြင့်**
သောင်းရင်နဂါး(Facebook)စာမျက်နှာမှ