ကျော်ဆုမွန်
လွှတ်တော်၏ အတည်ပြုချက်ဖြင့် သမ္မတကခန့်အပ်ထားသော ပုဂ္ဂိုလ်များ ၏ ပိုင်ဆိုင်မှုများအား ဩဂုတ်လ ၁ ရက် နေ့ နောက်ဆုံး ထားပြီး ၎င်းတို့၏ပိုင်ဆိုင် မှုစာရင်းများကို သမ္မတရုံးသို့ပေးပို့ကြ ရန် နိုင်ငံတော်သမ္မတရုံးက ဇူလိုင်လ ၂၆ ရက်နေ့က ထုတ်ပြန်ခဲ့ သည်။ ပြည်ထောင်စုတရားသူကြီးချုပ်နှင့် ပြည်ထောင်စုတရားလွှတ်တော်ချုပ် တရားသူကြီးများ၊ နိုင်ငံတော်ဖွဲ့စည်းပုံ အခြေခံ ဥပဒေဆိုင်ရာ ခုံရုံးဥက္ကဋ္ဌနှင့် အဖွဲ့ဝင်များ၊ ပြည်ထောင်စုဝန်ကြီးများ၊ ပြည်ထောင်စု ရှေ့နေချုပ်၊ ပြည်ထောင်စု စာရင်းစစ်ချုပ်၊ တိုင်းဒေသကြီး ပြည် နယ် အစိုးရ၀န်ကြီးချုပ်နှင့် ၀န်ကြီးများ၊ တိုင်း ဒေသကြီး ပြည်နယ်ဥပဒေချုပ်များ၊ တရားသူကြီးချုပ်များနှင့် တရားသူကြီး များသည် တစ်စီးပွားတည်းဖြစ်သော စီးပွားရေးလုပ်ငန်းများနှင့် ပိုင်ဆိုင်မှုများ ကို တန်ဖိုးနှင့်တကွ စာရင်းပြုစုပြီး နိုင်ငံ တော်သမ္မတထံပေးပို့ရန် ဖြစ်ကြောင်း ဖော်ပြထားသည်။
အစိုးရအဖွဲ့ဝင်များ၏ ပိုင်ဆိုင်မှုများ ကို ထုတ်ဖော်ကြေညာခဲ့ပြီး မှတ်တမ်းတင် ခြင်းနှင့်ပတ်သက်၍ ဒီမိုကရေစီနိုင်ငံတိုင်း၌ အဆိုပါ လုပ်ဆောင်ချက်ကို ကြိုဆိုကြကြောင်း နိုင်ငံရေးလေ့လာသူ များက ဆိုသည်။
"ပြည်ထောင်စုဝန်ကြီးတွေ ပိုင်ဆိုင်မှု တွေနဲ့ ပတ်သက်ပြီး ဒီမိုကရေစီနိုင်ငံတွေ မှာတော့ ဒီလိုထုတ်ဖော်ပြသတာမျိုးကို ကျင့်သုံးလေ့ ရှိတယ်။ လူထုသံသယရှင်း သွားအောင်၊ တရားမျှတမှု ရှိ မရှိ၊ ဘယ် လောက်ပိုင်ဆိုင်မှုရှိလဲဆိုတာ လုပ်တာပဲ ဖြစ်တယ်" ဟု ဒီမို ကရက်တစ်ပါတီ (မြန်မာ)မှဥက္ကဋ္ဌဦးသုဝေက ပြောသည်။
သူက ဆက်လက်ပြောရာတွင် ပြီးခဲ့ သည့်လမ်းစဉ်ပါတီခေတ်တွင် ထိုသို့ ထုတ်ဖော်ပြသရန်အတွက် ဥပဒေများ ရေးဆွဲခဲ့ခြင်း ဖြစ်သော် လည်း လက်တွေ့ တွင် ဖြစ်ပေါ်မလာခဲ့ခြင်းများလည်း ရှိကြောင်း ပြောဆိုသည်။
"၈၈ ခုနှစ်နောက်ပိုင်းမှာလည်း ဒါမျိုး မဖော်ပြခဲ့ဘူး။ အခုခေတ်မှာ ရိုးရှင်းစွာ လုပ်တဲ့ အစိုးရ၀န်ထမ်းဆိုရင် ပြရဲရမှာ ပေါ့။ ဒါတွေက အခြေအနေတွေပေါ် လည်း မူတည်တယ်။ ဒီလိုအချက်တွေ အပေါ်မှာပဲ မူတည်ပြောနေတယ်ဆိုရင် တခြား တိုင်းပြည်တိုးတက်ရေး အတွက် မလုပ်နိုင်ဘဲ ဖြစ်နေဦးမယ်လို့ ယူဆတယ်"ဟု ဦးသုဝေက ပြောသည်။
"ရာထူးမရှိခင်ကနဲ့ ရာထူးရှိပြီးကာလ မှာ ပိုင်ဆိုင်မှုဘယ်လောက် တိုးတက်လာ လဲဆိုတာကို ပြည်သူကိုပြသဖို့ လိုပါတယ်။ ပြည်သူကို ချပြဖို့ တကယ်သာ လုပ်မယ်ဆိုရင် သိပ်ကောင်းတဲ့လုပ်ရပ် တစ်ခုပါပဲ"ဟု အိုးပင်းနယူးစ်ဂျာနယ် အယ်ဒီတာချုပ် ဦးသီဟစောက ပြော ကြားသည်။
"အရင်ကတော့ ဖွဲ့စည်းပုံအခြေခံ ဥပဒေနဲ့မဟုတ်တဲ့ အစိုးရဖြစ်လို့ မလို အပ်ခဲ့ပေမယ့် အခုအစိုးရကတော့ ပြည်သူက ရွေးကောက် တင်မြှောက်တဲ့ အစိုးရဖြစ်တဲ့အတွက် ပြည်သူ့ဘဏ္ဍာနဲ့ သုံးနေတာဖြစ်တဲ့အတွက် ဘယ်လောက် ပွင့်လင်းမြင်သာမှုရှိတယ်ဆိုတာ ပြသဖို့ လိုလာပါတယ်" ဟု ၎င်းကပြောသည်။
တစ်ဖက်တွင်လည်း ၀န်ကြီးများ၏ ရွှေ့ပြောင်းနိုင်သော ပစ္စည်း၊ မရွှေ့ပြောင်း နိုင်သော ပစ္စည်းပိုင်ဆိုင်မှုများကို ဖော်ပြခြင်းဖြင့် ပွင့်လင်းမြင်သာမှုသဘော ဆောင်ယုံမျှမက နောင်တွင် ၀န်ထမ်းများ ၏ လာဘ်ပေးလာဘ်ယူ ပပျောက်ရေးကို ပါ များစွာ အထောက် အကူပြုလာမည်ဟု ၎င်းက ပြောသည်။
ဒီမိုကရေစီကျင့်သုံးသည့် အိမ်နီးချင်း နိုင်ငံများတွင်လည်း အစိုးရအဖွဲ့ဝင်များ ၏ပိုင်ဆိုင်မှုများကို ပြည်သူသို့ တရားဝင် ထုတ်ဖော် ပြသမှုများ ရှိကြောင်း၊ အစိုးရ အဖွဲ့ဝင်များသည် လာဘ်လာဘကင်း ဝေးရန် ဆောင်ရွက်ဖို့ အဓိကကျကြောင်း လည်း သူကဆိုသည်။
အစိုးရအဖွဲ့ဝင်များသာမက လွှတ်တော် ကိုယ်စားလှယ်များကိုလည်း ကိုယ်စား လှယ်လောင်းများဘ၀ကပင် မဲဆွယ် စည်းရုံးမှုများ လုပ်ဆောင်ခဲ့စဉ်က ငွေကြေးသုံးစွဲမှုများကိုလည်း ပြည် ထောင်စုရွေးကောက်ပွဲ ကျင်းပရေး ကော်မရှင်က စစ်ဆေးခဲ့သဖြင့် လွှတ် တော်ကိုယ်စားလှယ်များသည်လည်း ငွေကြေးသုံးစွဲမှု၊ ပိုင်ဆိုင်မှုများနှင့် ပတ်သက်ပြီး ဥပဒေအတိုင်း တိကျစွာ လိုက်နာ ဆောင်ရွက် ကြလျက်ရှိသည်ကို တွေ့ရသည်။
မြန်မာတိုင်းမ် အတွဲ ၂၉ ၊ အမှတ် ၅၈၀ ( ၃ - ၉ ၊ ၈ ၊ ၂၀၁၂ )မှတဆင့်ဖော်ပြသည်။
No comments:
Post a Comment