မည်သူမဆို

ဇူလိုင်လ ၁၃ ရက်နေ့က ပြည်သူ့လွှတ် တော်မှာ ကွန်ဟိန်းမဲဆန္ဒနယ်မှ ဒေါ် နန်းဝါနုက အမေရိကန်နိုင်ငံရဲ့ မြန်မာ နိုင်ငံအပေါ် စီးပွားရေး ပိတ်ဆို့မှုကို ရုပ်သိမ်းပေးရန် မည်သူမဆို မည်သည့် နည်းလမ်းကို အသုံးပြု၍ဖြစ်စေ ညှိနှိုင်း တိုက်တွန်းပေးရန် အရေးကြီး အဆို တစ်ခုကို တင်သွင်းခဲ့ပါတယ်။
အမေရိ ကန်နိုင်ငံဟာ မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲမှုတွေကို သတိကြီးစွာနဲ့ စောင့်ကြည့်နေပြီး ဒီမိုကရေစီဖြစ်ပေါ် တိုးတက်မှုတွေကြောင့် စီးပွားရေးပိတ်ဆို့ မှုတွေကို တစ်နှစ်ရပ်ဆိုင်းပေးခဲ့ပါတယ်။
သို့သော်လည်း ဇူလိုင်လ ၂၆ ရက်နေ့ မှ သက်တမ်း ကုန်ဆုံးမှာဖြစ်တဲ့ (Freedom and Democracy Act) of 2003 (ပြည်သူ့ဥပဒေ ၁၀၈.၆၁.၅၀့ှဃ စာအမှတ် ၁၀၇၁) တွင် ပါဝင်တဲ့ ကိုးနှစ်ဟူသော စကားစု(သက်တမ်း)အား ပယ်ဖျက်ပြီး တစ်ဆယ့်တစ်နှစ် ဟူသော စကားစု(သက်တမ်း)အား အစားထိုးပြင်ဆင်မှုကို ဇွန်လ ၁၂ ရက် နေ့ မှာ Mc connell နဲ့ Mrs Feeinstien တို့နှစ်ဦးက လွှတ်တော် အတွင်းမှာ နှစ်ကြိမ်တိုင်တိုင် တင်သွင်းခဲ့ပြီး ဘဏ္ဍာ ရေးကော်မတီသို့ လွှဲအပ်ပေးခဲ့ကြောင်းကို ခိုင်မာစွာ သတင်းရရှိခဲ့ပါတယ်။
ထို အဆိုအောင်မြင်သွားပါက စီးပွားရေး ပိတ်ဆို့မှုသက်တမ်းဟာ ၂၀၁၅ ခုနှစ် အထိ ရောက်ရှိသွားမှာဖြစ်တဲ့အတွက် သက်တမ်း လုံးဝ မတိုးဖို့ လွှတ်တော် ကိုယ်စားလှယ်ကြီးများက တတ်စွမ်းသမျှ ကူညီဆောင်ရွက်ပေးရန် မေတ္တာရပ်ခံ ခဲ့တဲ့အဆိုကို လွှတ်တော်မှာ တင်သွင်းခဲ့ခြင်း ဖြစ်ပါတယ်။
ဒါတွေမက အမေရိကန်နိုင်ငံရဲ့ စီးပွား ရေးပိတ်ဆို့မှုဖြေလျှော့မှုများဟာ အမေရိကန်ကုမ္ပဏီလုပ်ငန်းရှင်များအတွက် သာဖြစ်ပြီး မြန်မာနိုင်ငံသားများရဲ့ ပို့ကုန် နဲ့ ငွေကြေးလဲလှယ်မှုများအတွက် မပါရှိ သေးတဲ့အတွက် တစ်လမ်းသွား တစ်ဖက် ဆန်နေကြောင်းနဲ့ ထိုကိစ္စကို ပြန်လည် သုံးသပ်ပြီး မြန်မာပြည်သူများရဲ့အကျိုး၊ မြန်မာတိုင်းရင်းသားများရဲ့အကျိုးကိုပါ စဉ်းစားပြီး ဆောင်ရွက် ပေးရန် လိုကြောင်း လွှတ်တော်ဥက္ကဋ္ဌကြီးကလည်း ထောက်ပြ ဆွေးနွေးတင်ပြခဲ့ပါတယ်။
လွှတ်တော်မှာ ဒေါ်နန်းဝါနုတင်သွင်း တဲ့ အဆိုဟာ အားလုံးက လက်ခံရမယ့် အဆိုတစ်ခုပါ။ ဒီအဆိုကို လွှတ်တော် ထဲမှာ ထောက်ခံ ဆွေးနွေးသူတွေ ထောက်ခံဆွေးနွေးကြပြီး ထောက်ပြ ဆွေးနွေးသူတွေကလည်း ထောက်ပြ ဆွေးနွေးကြလို့ တီဗီမှန်သားပြင်ပေါ်မှာ စပိန်နဲ့ ပေါ်တူဂီ ဘောလုံးပွဲ ကြည့်နေသလို ခံစားမိပါတယ်။
ဒီမိုကရေစီဆိုတာ အဲဒါပဲဗျ။ ကိုယ့်ရဲ့ထင်မြင်ယူဆချက်ကို အပြုသဘောနဲ့ ပြောရဲဆိုရဲတင်ပြရဲရ မယ်။ ဒါမှလည်း တိုင်းပြည် တိုးတက် မှာလေ။ ဒေါ်နန်းဝါနုရဲ့အဆိုကို ထောက်ခံ ဆွေးနွေးသူတွေက ထောက်ခံဆွေးနွေး ကြပြီး ထောက်ပြဆွေးနွေးသူတွေက ထောက်ပြ ဆွေးနွေးကြတာတွေထဲမှာ စဉ်းစားစရာတွေ အများကြီးရှိပါတယ်။
နိုင်ငံတော်သမ္မတနှင့်တကွ လွှတ် တော် ဥက္ကဋ္ဌကြီးများအပါအ၀င် ပြည်သူ့ လွှတ်တော် ကိုယ်စားလှယ်များဟာ စစ်မှန်သော ဒီမိုကရေစီနဲ့ လူ့အခွင့်အရေး တွေရရှိဖို့အတွက် စိတ်စေတနာကောင်း နဲ့ လုပ်ဆောင်နေကြပေမယ့် အထက် ပိုင်းဝန်ကြီးဌာနတွေမှ အောက်ပိုင်း ရပ်/ကျေး ဥက္ကဋ္ဌအဆင့်အထိ မိုက်ကယ် ဂျက်ဆင်ကကွက်နဲ့ နောက်ပြန်ဆုတ်ချင် သူတွေရှိသေးသဗျ။
စစ်မှန်တဲ့ ဒီမိုကရေစီ လမ်းကြောင်းပေါ် လျှောက်လှမ်းနေတဲ့ အခါမှာ ဒီလို နောက်ပြန်ဆွဲချင်တဲ့ စိတ် ဓာတ်ရှိသူတွေ ချန်ထားသင့်၊ အရေးယူ ဆောင်ရွက်သင့်တယ်လို့ ထင်မိသဗျာ။ ဒါကြောင့် လွှတ်တော်ကိုယ်စားလှယ် တစ်ဦးက ဒေါ်နန်းဝါနုရဲ့အဆိုကို ထောက်ပြ ဆွေးနွေးတဲ့အခါမှာ "စီးပွား ရေးပိတ်ဆို့မှုတွေကို ရုပ်သိမ်းပေးမယ် ဆိုရင် ဒီမိုကရေစီအရေးနဲ့ လူ့အခွင့် အရေးတွေကို အာမခံချက် ပေးနိုင် မလား"ဆိုတဲ့ မေးခွန်းဟာ မေးသင့် မေးထိုက်တဲ့ မေးခွန်းတစ်ခုလို့ ထင်မြင် မိပါတယ်။
နောက်တစ်ဦးက အမေရိကန် ပြည်ထောင်စုဟာ မြန်မာနိုင်ငံအပေါ် စီးပွားရေးပိတ်ဆို့မှုတွေ ဖြေလျှော့ပေး မယ်လို့ ကြေညာထားပြီး ဖြစ်လို့ ဒီအချိန် မှာ ဒီအဆိုကို ဆွေးနွေးရန်မလိုတော့ ဘူးလို့ဆိုသဗျာ။ ကိုယ့်အတွင်းက လူ့ အခွင့်အရေးနဲ့ ဒီမိုကရေစီအခွင့်အရေး တွေ အပြည့်အ၀ရရှိအောင် ဘယ် လောက်ထိလုပ်ဆောင်နိုင်သလဲဆိုတာ ကြိုးစားပြသဖို့ လိုအပ်တယ်ဆိုတဲ့ သဘောပြောခဲ့တယ်။
ဒီဆွေးနွေးမှုဟာ အလေးအနက်ထား စဉ်းစားသင့်တဲ့ ဆွေးနွေးမှုပါ။ ဒီနေရာမှာ စာရေးသူ အမြင်ကတော့ ရပိုင်ခွင့်ကို လိုချင်ရင် ကိုယ့်ဘက်ကလည်း တာဝန်ပိုင်းကို ကျေရမှာဖြစ်ပါတယ်။ အမေရိကန်နိုင်ငံဟာ မြန်မာနိုင်ငံမှာ စစ်မှန်တဲ့ ဒီမိုကရေစီအခွင့်အရေးတွေ နဲ့ လူ့အခွင့်အရေးတွေ ဘယ်လောက် ဖော်ဆောင်ပေးနိုင်ပြီလဲဆိုတဲ့ ရလဒ်ပေါ် မူတည်ပြီး စီးပွားရေးပိတ်ဆို့မှုတွေကို တစ်ထစ်ပြီး တစ်ထစ် ဖြေလျော့သွားမယ် လို့ ကြေညာထားပြီးဖြစ်ပါတယ်။
ဇူလိုင် လ ၂၆ ရက်နေ့မှာ သက်တမ်းကုန်ဆုံးခဲ့ တဲ့ မြန်မာနိုင်ငံအပေါ် စီးပွားရေးပိတ်ဆို့ မှုကို ၂၀၁၅ အထိ သက်တမ်းတိုးဖို့ အမေ ရိကန်လွှတ်တော်အမတ် Mc connell နဲ့ Mrs Feeinstien တို့ရဲ့ အဆိုဟာ သက်တမ်းနုနယ်သေးတဲ့ မြန်မာနိုင်ငံ အစိုးရရဲ့ ပြုပြင်း ပြောင်းလဲမှုတွေကို အားမရသေးလို့၊ စိတ်မချသေးလို့နဲ့ တူပါတယ်။
၂၀၁၅ ခုနှစ်မှာ ကျင်းပမယ့် မြန်မာနိုင်ငံရဲ့ အထွေထွေရွေးကောက်ပွဲ ကြီးဟာ တကယ်တရားမျှတတဲ့ ရွေးကောက်ပွဲကြီးဖြစ်ပါ့မလား၊ သန့်ရှင်း ပြီး ဘက်လိုက်မှုကင်းတဲ့ ရွေးကောက်ပွဲ ကြီး ဖြစ်ပါ့မလားဆိုတာ စောင့်ကြည့် လေ့လာလိုတဲ့ သဘောနဲ့လည်း တူပါတယ်။ Seeing is Beliving ဆိုတဲ့ စကားလို မြင်မှပဲယုံမယ်ဆိုတဲ့ သဘော ပေါ့။
ဒါကြောင့် မြန်မာနိုင်ငံမှ ပို့ကုန်များ အပေါ် တင်းကျပ်စွာ ပိတ်ဆို့ ထားတဲ့ အမေရိကန်ပြည်ထောင်စုရဲ့ ယခုဇူလိုင် လ ၂၆ ရက်နေ့မှာ သက်တမ်းကုန်ဆုံး သွားတဲ့ ၂၀၀၃ ခုနှစ်၊ မြန်မာပြည် ဒီမိုကရေစီအရေးနဲ့ လွှတ်မြောက်ရေး အက်ဥပဒေကို ၁၈-၇-၂၀၁၂ မှာ နောက်ထပ် သုံးနှစ်သက်တမ်းထပ်တိုး လိုက်ပါတယ်။
သို့သော်လည်း မြန်မာ နိုင်ငံအတွင်း ဒီမိုကရေစီအရေး ပြုပြင် ပြောင်းလဲမှုများ တိုးတက်ဖြစ်ပေါ်လာ ပါက ၎င်းကို အချိန်မရွေး ဆိုင်းငံ့ရန် (သို့တည်းမဟုတ်)ရပ်ဆိုင်းရန် သမ္မတ အိုဘားမားဦးဆောင်တဲ့ အုပ်ချုပ်ရေး အဖွဲ့ကို အမေရိကန်လွှတ်တော်က လုပ်ပိုင်ခွင့် အာဏာပေးအပ်ခဲ့ကြောင်း သိရှိရပါတယ်။
အမေရိကန်က မြန်မာနိုင်ငံမှ ၂၀၁၂ ခုနှစ်အထိ ပို့ကုန်မျိုးစုံတင်သွင်းခဲ့ပြီး ၎င်းနှစ်မှာ ဒေါ်လာသန်း ၃၅၀ ကျော် ရရှိခဲ့ပြီး ၂၀၀၃ ခုနှစ်မှစ၍ မြန်မာနိုင်ငံ နဲ့ အမေရိကန်နိုင်ငံတို့ ပို့ကုန်သွင်းကုန် လုပ်ငန်းများ ရပ်ဆိုင်းခဲ့ပါတယ်။ ၁၉၉၆ ခုနှစ်ကစပြီး မြန်မာနိုင်ငံသို့ ရင်းနှီးမြှုပ်နှံ မှုအသစ်များ ပြုလုပ်ခြင်းကို ပိတ်ဆို့ထားခဲ့သော ဥပဒေအား အမေရိကန်အစိုးရ က ပြီးခဲ့သော မေလအတွင်း ဖယ်ရှား ပေးခဲ့ပါတယ်။
မြန်မာနိုင်ငံမှာ အမေ ရိကန်ကုမ္ပဏီကြီးများ စီးပွားရေး လုပ်ကိုင်ခွင့်ကို အားပေးတိုက်တွန်းခဲ့ သော်လည်း မြန်မာနိုင်ငံမှ ထွက်ကုန် များကို ယခုတိုင် အမေရိကန်သို့ တင်ပို့ ခွင့်မပြုသေးကြောင်း တွေ့ရှိရပါတယ်။ ဒါကြောင့် ပြည်သူ့လွှတ်တော်ဥက္ကဋ္ဌ ကြီးက မြန်မာနိုင်ငံသားများရဲ့ ပို့ကုန်နဲ့ ငွေကြေးလဲလှယ်မှုများ မပါရှိသေးတဲ့ အတွက် တစ်လမ်းသွား၊ တစ်ဖက်သတ် ဆန်နေကြောင်း ထောက်ပြဆွေးနွေးခဲ့ ပါတယ်။
သို့သော်လည်း ဒီကိစ္စကို ကိုင်တွယ် ဆောင်ရွက်ပေးဖို့ဆိုတာ မည်သူမဆို လုပ်နိုင်တဲ့ ကိစ္စမဟုတ်ပါဘူး။ ထက်မြတ် တဲ့ အရည်အသွေး ရှိသူ၊ မြန်မာနိုင်ငံနဲ့ နိုင်ငံတကာရဲ့ လေးစားကြည်ညိုမှုကိုခံရ သူ၊ ဘာသာစကားကို ကမ္ဘာ့အဆင့်မီ ကျွမ်းကျွမ်းကျင်ကျင် ပြောဆို နိုင်သူ၊ မြန်မာကို ကမ္ဘာကသိအောင် ဆောင်ရွက် ပေးနိုင်ခဲ့သူ၊ မျိုးရိုးသမိုင်းအစဉ်အလာ ကြီးမားသူ ဒီလိုအရည်အချင်းနှင့် ပြည့်စုံ သူ လွှတ်တော်ထဲမှာရှိပါတယ်။
ချီးမြှောက်သင့်သူ ချီးမြှောက်၊ ဂုဏ်ပြု သင့်သူကို ဂုဏ်ပြု၊ တော်သူကို ရှေ့ဆောင် စေတဲ့ ရိုးသားမွန်မြတ်သော စိတ် စေတနာနဲ့ "မဲဆန္ဒနယ်မှ လွှတ်တော် ကိုယ်စားလှယ်အား အမေရိကန်နိုင်ငံရဲ့ မြန်မာနိုင်ငံအပေါ် စီးပွားရေးပိတ်ဆို့မှု ကို ရုပ်သိမ်းပေးရန်အတွက် ညှိနှိုင်းတိုက် တွန်းပေးရန်အဆိုကို တင်သွင်းပါတယ်" လို့ အဆိုတင်သွင်းပြီး ထောက်ခံသူက ထောက်ခံပြီး လွှတ်တော်က အတည်ပြု မှတ်တမ်းတင်ပေးလိုက်လျှင် မည်သူမဆို ဟု ကျယ်ပြန့်စွာ ညွှန်းဆိုမယ့်အစား အဘယ်မျှ သင့်တင့်လျောက်ပတ်လိုက် လေမလဲလို့ တွေးမိပါတယ်။
သို့ပင်ဖြစ်ငြားသော်လည်း ကော့မှူး မြို့နယ်မှ လွှတ်တော်ကိုယ်စားလှယ် ဒေါ်အောင်ဆန်းစုကြည်ဟာ နိုင်ငံ ကောင်းဖို့ မတူတာတွေ ဘေးဖယ်ပြီး တူတာတွေကို မည်သူနဲ့ဖြစ်စေ၊ မည် သည့်ပါတီနဲ့ဖြစ်စေ ပူးပေါင်းလုပ် ဆောင်မယ်လို့ သူ့ရဲ့ စိတ်ရင်းစေတနာ ကောင်းကို ကြေညာထားပြီးဖြစ်တဲ့ အားလျော်စွာ ဇူလိုင်လ ၁၆ ရက်နေ့မှာ မိမိ နေအိမ်ကနေပြီး အမေရိကန်နိုင်ငံရဲ့ စီးပွားရေး ပိတ်ဆို့မှု (BFDA) နှင့် ပတ် သက်ပြီး အမေရိကန်လွှတ်တော်အမတ် မစ်မက်ကောနဲလ်နှင့် တယ်လီဖုန်းဖြင့် ဆက်သွယ် ဆွေးနွေး ခဲ့ပါသည်။
နိုင်ငံတကာရဲ့ စီးပွားရေးပိတ်ဆို့မှု တွေကြောင့် မြန်မာနိုင်ငံဟာ များစွာနစ် နာခဲ့ရတယ်ဆိုတာ အားလုံးနားလည်သိ ရှိပြီး ဖြစ်ပါတယ်။ ဒီလိုဖြစ်လာရတဲ့ အကျိုးတရားတွေဟာ ဘယ်အကြောင်း တရားတွေကြောင့်လဲလို့ ကိုယ့်ကိုယ် ကိုယ် မလိမ်မညာဘဲ အဖြေထုတ် ကြည့်လျှင် သိနိုင်ပါတယ်။
ပြည်သူ့လွှတ်တော်မှာ အချိန်အကန့် အသတ်ကြောင့်လောဟူ၍ မသိ၊ စီးပွား ရေးပိတ်ဆို့မှုသက်တမ်း နောက်ထပ် သုံးနှစ် မတိုးရန် အဆိုကိုသာ ဆွေးနွေးခဲ့ ကြပြီး ဒီပိတ်ဆို့မှုရဲ့ အရင်းအမြစ်ရောဂါ ဆိုးကြီးကို ဘယ်လိုကုစားကြရမယ်ဆို တာကို မဆွေးနွေးဖြစ်ခဲ့ဘူး။
သမ္မတကြီးနဲ့ တကွ တိုင်းပြည်ကိုချစ်ကြရတဲ့ ပုဂ္ဂိုလ် တိုင်း ယနေ့မြန်မာနိုင်ငံကြီး လျှောက် လှမ်းရမယ့် တစ်ခုတည်းသောလမ်းဟာ ဒီမိုကရေစီ လမ်းကြောင်းဆိုတာ အားလုံး နားလည်သဘောပေါက်ပြီး ဖြစ်ပါတယ်။ ဒါပေမယ့် အသိခေါက်ခက် အ၀င်နက်တဲ့ မိုက်ကယ်ဂျက်ဆင်လို နောက်ပြန်ဆွဲကကွက်နဲ့ ကနေချင်သူတွေ ရှိသေးတယ်ဆိုတာ သတိပြုမိပါတယ်။
ယနေ့ကာလဟာ မြန်မာနိုင်ငံရဲ့ လွတ် လပ်ရေးရခါစ အချိန်အခါလို အလွန် အရေးကြီးတဲ့အချိန် ရောက်နေပါပြီ။ မည်သူမဆို အနှစ် ၅၀ ကျော် ချောက်ထဲ ကျနေတဲ့ တိုင်းပြည်ကြီးကို ကယ်ထုတ်ကြ ရမယ်။ ပြည်တွင်းငြိမ်းချမ်းရေးကို တည် ဆောက်ကြရမယ်။
ပြည်သူတွေအားလုံး စည်းလုံးညီညွတ်ကြရမယ်။ ပါတီတွေ အားလုံး တူတာတွေ ပူးပေါင်းလုပ်ဆောင် ကြရမယ်။ ပါတီနှင့် နိုင်ငံအကျိုး ယှဉ်လာ လျှင် နိုင်ငံအကျိုးအတွက် ပါတီ၏အကျိုး စီးပွားကို စွန့်လွှတ်ရဲရမယ်။
ကိုယ်ကျိုးကို နိုင်ငံကောင်းကျိုးအတွက် လိုအပ်လျှင် အသက်ကိုပင် စွန့်လွှတ်ရဲရမယ်။ တပ်မတော်သည် မြန်မာနိုင်ငံ ဒီမိုကရေစီ ပြုပြင်ပြောင်းလဲရေးအတွက် ပင်မ ကျောရိုးသဖွယ် ရပ်တည်ပေးရမယ်။
စီးပွားရေးပိတ်ဆို့မှုများ မည်သည့် ကာလအတိုင်းအတာထိ ရှိနေစေကာမူ မိမိတို့လုပ်ဆောင်ရမည့် လူ့အခွင့်ရေးနဲ့ စစ်မှန်သော ဒီမိုကရေစီအခွင့်အရေးကို ပြည်သူတွေရရှိအောင် မိမိတို့အတွင်းမှာ စည်းရုံးလုပ်ဆောင် သွားကြရမယ်။
လွှတ် တော်ကိုယ်စားလှယ်ကြီးများအပါအ၀င် တပ်မတော်တစ်ရပ်လုံးနှင့် အထက် ၀န်ကြီးဌာနများမှ အောက်ခြေ ရပ်/ ကျေးအထိ မည်သူမဆို ဒီမိုကရေစီစံချိန် စံညွှန်းနဲ့ ကိုက်ညီတဲ့ ပြုပြင်ပြောင်းလဲမှု တွေကို မလုပ်ချင်လည်း လုပ်ရမယ်။
လုပ် ချင်လည်း လုပ်ရမယ်။ မလုပ်ချင်လို့ မလုပ် တဲ့သူတွေကို ပြတ်ပြတ်သားသား နောက် ချန်ခဲ့ရမယ်။ ဒါဟာ ရိုးသားတဲ့ သမ္မတကြီး ရဲ့ လမ်းညွှန်ချက်ပါပဲ။
ဒီတော့ စစ်မှန်သောဒီမိုကရေစီနဲ့ လူ့အခွင့်အရေးတွေ အပြည့်အ၀ရရှိ အောင် လုပ်ဆောင်ပေးလိုတဲ့ မည်သူ မဆို ကိုယ့်သီလကို ကိုယ်လုံအောင် ထိန်းပြီး ကိုယ့်သမာဓိကို ကိုယ်တည်အောင် ဆောက်တည်ကြရမယ်။
"ကတိသစ္စာ တည်သောအခါဝယ် နွယ်မြက်သစ်ပင် ဆေးဖက်ဝင်၏" ဆိုတဲ့စကားလို ထိုထို သောအခါမှာ နိုင်ငံတော်က လိုချင်သော ဆန္ဒများ အလိုလိုပြည့်ဝသွားလိမ့်မယ်လို့ ယုံကြည်မိပါတယ်။
ဒါပေမယ့် လိုတာကိုရဖို့အတွက် မည်သူမဆို ညှိနှိုင်းဆွေးနွေးပေးရန် ဖိတ်ခေါ်မှုအတွက်ရလိုသော ဆန္ဒများ ပြည့်ဝလာရန် လက်သည်ကြီး အားကိုး၍ မရ၊ ညှစ်အားလည်းလိုသည်ကို သဘောပေါက် နားလည်သင့်ကြောင်းနဲ့ ရယူလိုသော စီးပွားရေး ပိတ်ဆို့မှု များ ရုပ်သိမ်းပေးရန်ဆန္ဒကို စစ်မှန်သော ဒီမိုကရေစီနဲ့ လူ့အခွင့်များရရှိရေး အတွက် အာမခံချက်ပေးနိုင်သော ပြုပြင် ပြောင်းလဲdမှု များကို မိမိဘက်မှ အကောင် အထည်ဖော် မဆောင်ရွက်ပေးနိုင်ပါက မိမိတို့လိုချင်သော အရာအားလုံးသည် အချိန်မရွေး ပြန်လည် ဆုံးရှုံးသွားနိုင်ကြောင်း စာရေးသူထင်မြင်ယူဆချက်ကို ထုတ်ဖော်ရေးသားလိုက်ရပါတယ်။

မြန်မာတိုင်းမ်( အတွဲ ၂၉ ၊ အမှတ် ၅၈၀ ( ၃ - ၉ ၊ ၈ ၊ ၂၀၁၂ )

 ဦးတင်မောင်လတ် (မွန်ပြည်နယ် ကျောင်းကျန်းမာရေး)